Ялган экономия
Әлмәттә чираттагы үзбелдек күршеләрен берничә сәгатькә газсыз калдырган. Заслонов урамындагы 8 нче йортның бер фатирында гаилә башлыгы үз белдеге белән су җылыту колонкасын урнаштырган.
«Алай ук катлаулы да түгел», - дип саный үзбелдекләр. Иске приборны яңасына алмаштырып, барысын да дөрес эшләрләр, соңыннан коточкыч фаҗигагә китерергә мөмкин булган фаталь хата җибәрмәсләр дип ышаналар. Һәм, нәтиҗә буларак, – гаепләнүчеләр эскәмиясе. Нефтекалада барысы да яхшы тәмамланган: «Альметьевскгаз» ЭҖИ хезмәткәрләре газүткәргечтән суны суыртканнар.
Газ приборларын үз белдегең белән алмаштыру һәм ремонтлау тыела. Фатирларда эшләрне хезмәт күрсәтүгә килешү төзелгән оешма хезмәткәрләре башкарырга тиеш. Бары тик шундый оешма гына колонканы алмаштырырга яки газ җиһазлары белән бәйле башка эшләрне башкарырга хокуклы.
Колонканы, плитәне яки котелны мөстәкыйль тоташтырганчы, сәламәтлеккә, гаиләңә һәм күршеләреңә куркыныч белән янау шундый «экономия» бәрабәренә тиешме икән дип уйларга кирәк.
Газ колонкасын үз белдегең белән урнаштырган өчен нәрсә яный? Газ белән тәэмин итүдән өзү. Шул ук вакытта газны сүндерүгә барлык чыгымнар, ә аннары газны алга таба кабызу абонент хисабына башкарылачак. Ә бу яңа газ колонкасына караганда кыйммәтрәк булырга мөмкин. Моннан тыш, газ җиһазларын куллану кагыйдәләрен бозган өчен 10 мең сумга кадәр штраф түләргә туры киләчәк. Әмма әгәр мондый гамәл газны законсыз тоташтыру һәм куллану дип бәяләнсә, ул вакытта 10 меңнән 15 мең сумга кадәр штраф яный, ә кабат бозган өчен — 15 меңнән 30 мең сумга кадәр.
Авария хезмәткәрләре үзбелдек хаталарын төзәткәннән соң, барысына да газны кире кайтарганнар. Өй «белгече» Татарстан Торак инспекциясенә чакыру алачак.
Татарстан Торак инспекциясе матбугат хезмәте