Александр Тыгин: Капиталь ремонт – акча үзләштерү түгел
Цокольсез фасадны җылытканнар, искесендә яңа өслек, артык юка җылыткыч – Торак инспекциясенең сораулары һәм дәгъвалары күп. Бүген инспекциядә капиталь ремонт программасын гамәлгә ашыру буенча киңәшмә узды. Балтач һәм Балык Бистәсе районнарында капиталь ремонт ясаучылар белән очраштык.
Балтач поселогының Ленин урамындагы 135 нче йортны ремонтлау буенча берничә кисәтү бар. Фасадның цоколе җылытылмаган, чистарту технологиясе бозылган, атламалык системасын иске кирпеч өеменә урнаштыралар, вентиляция шахталары «зонтлар» белән капланмаган, димәк, яңгырларда аларны һәрвакыт су басачак.
Балтачта артефакт буларак искеенең кадерен беләләр бугай: Каенлык урамындагы 1 нче йортны ремонтлаганда яңа юлны искесенә салалар. Ә бу технологияне бозу булып тора.
Балык Бистәсе районының Масловка авылында эш сыйфаты өчен «ТКХ Фонды» КО төбәк операторына шулай ук күрсәтмә бирелде, әмма биредә эшләрне туктату турында. Үзәк урамындагы 4 һәм 5 нче йортларда масштаблы эшләр проекты әлегә кадәр юк, әмма ремонт башланган.
Технологияләрне бозу гына түгел, шактый экономия дә. Ремонтны планлаштырганда, дефектлы ведомостька җылыткычның калынлыгы 10 см булыр дип керткәннәр, әмма йортны 6 см «тун» белән каплыйлар. Һәм полотноларны шулай ук технология бозылган хәлдә беркетәләр.
«Капиталь ремонт – акчаны үзләштерү түгел, ә йортны эксплуатацияләү! Озак вакытка һәм уңайлы итеп. Капиталь ремонт программасына ел саен миллиардларча сум акча тотыла. Бу милекчеләрнең үзләре керткән өлеш, республика һәм муниципаль бюджетлар. Быел моңарчы күрелмәгән сумма – 11 миллиард сум. Республика башлыгы бурыч куйды, үтәргә кирәк»- дип ассызыклады республиканың баш торак инспекторы.
Киңәшмәләрнең үзенчәлеге шунда ки, башта Александр Тыгин районнарга чыга, йортларны карый, ә икенче көнне капремонт ясаучылар Инспекциягә «очышларны тикшерү»гә килә.
Эшкә формаль карау барып чыкмаячак. Заказчы һәм подрядчыларга барлык хокук бозуларны төзәтергә туры киләчәк.
Татарстан Торак инспекциясе матбугат хезмәте