500 сумлык тәмәке
Ике түбәнкамалы подъездда тәмәке тарткан өчен штрафка тартылды. Административ хокук бозу урыннары – Вокзал урамындагы 6 нчы һәм Гагарин урамындагы 4 нче йортлар.
Бер караганда үз өйләрендә тәмәке тартсалар да, подъезд – гомумйорт милке. Моңа аларның хаклары юк. РФ КоАП 6.24 ст. 1 өлеше нигезендә баскыч, лифт, коридор һәм гомуми балконнарда тәмәке тарту тыела. Түбән Кама хокук бозучыларына 500 сум штраф салынды. Кабат бозган очракта, штраф 3 тапкырга артачак.
Әгәр дә төтен күршеләрдән вентиляция яки ярыклар аша үтеп керә икән, бу һава сыйфаты буенча СанПиН кагыйдәләрен боза. Идарәче компания мондый шикаятьләргә җавап бирергә тиеш.
Россиядә күпфатирлы йорт подъездында тәмәке тартучыларга штрафны 100 тапкыр арттырырга тәкъдим иттеләр. Тиешле хат сенатордан Россия Сәламәтлек саклау министрлыгы башлыгына җибәрелгән. Документтан күренгәнчә, штраф күләмен 500 сумнан 50 мең сумга кадәр арттырырга тәкъдим ителә. Инициатива авторы фикеренчә, тәкъдим ителә торган штраф суммасы тәмәке тартучыларны күршеләрен хөрмәт итәргә мәҗбүр итәчәк нәтиҗәле чара булырга мөмкин.
Татарстан Торак инспекциясе матбугат хезмәте