Яңадан исле газ белән агулану?

2025 елның 9 июне, дүшәмбе

Дүшәмбегә каршы төндә Әлмәттә Ш.Мәрҗани урамындагы 165 номерлы йортта яшәүчеләрне госпитализацияләгәннәр. 2005 елгы ир-атны һәм 2006 елгы хатын-кызны, исле газ белән агулануга шикләнеп, хастаханәгә озатканнар.

Тикшергән вакытта фатирда моңа китергән сәбәпләр ачыкланмаган. Газ плитәсе һәм су җылыту колонкасы бу елның февралендә техник яктан каралган.  Колонка металл заглушка урнаштыру юлы белән сүндерелгән.

Татарстан Торак инспекциясе техник хезмәт күрсәтүчеләр һәм идарәче компания хезмәткәрләренә карата тикшерү үткәрә.

Татарстан Торак инспекциясенең матбугат хезмәте