«Биюче» кирпечләр өчен штраф
Николай Ершов урамындагы 49 Г йорттан керү-чыгу куркыныч: башыңа кирпеч төшүе мөмкин. Подъезд ишегенең ишек уемы өстендә кирпеч өеме хәрәкәтләнә, шуңа күрә ишекне тотып, сак белән генә ачалар.
Торак инспекторлары яшәүченең шикаяте буенча Казанның «ЕРШОВА 49 «Г» торак милекчеләре ширкәтендә булдылар. Монда штукатурка гына түгел, йортның бөтен периметры буйлап отмостка да коела. Ә чормада – чүп.
Ачыкланган хокук бозулар – идарә рәисенең үз вазыйфаларын башкармау нәтиҗәсе. Рәис йортны тиешенчә карап тотмауда гаепле дип табылды һәм 4 мең сум штраф салынды.
Ни өчен ТМШ рәисенә инспекторлар 4000 сумга, ә идарәче компанияләр директорларына 50 мең сумга штраф сала, бу хакта Торак инспекциясе башлыгы Александр Тыгин интервьюсында.
Торак милекчеләре ширкәтенә карата башка дәгъвалар да бар: капиталь ремонт буенча махсус банк счетының торышы турындагы мәгълүматны яшерәләр. Ширкәткә белешмәләр бирүне һәм аларны торак-коммуналь хуҗалык системасына урнаштыруны таләп итеп хат җибәрелде.
Исегезгә төшерәбез, Инспекциядә ТКХ ДМС системасы мәгълүмат базасына махсус счетлар буенча анализ ясадылар. Күп кенә йортларның счетларында йә исәпләнгән кертемнәрнең 60% ы гына, яисә мәгълүмат бөтенләй юк. Әгәр акча җыю дәрәҗәсе түбән булса, махсус счет хуҗасына бурычны түләүне таләп итеп кисәтү җибәрелә. Әгәр проблеманы хәл итеп булмаса, Татарстанның Торак инспекциясе башкарма комитет катнашында мондый йортны төбәк операторына «гомуми казна»га күчерә. Мөгаен, шуңа күрә күп кенә махсус счет хуҗалары җыемнарны афишаларга теләми. ТТК/ТМШ/күчемсез мөлкәт милекчеләре ширкәтләре исемлеге безнең сайтта урнаштырылган.
Татарстан Торак инспекциясе матбугат хезмәте