Техник хезмәт күрсәтүгә караганда кыйммәтрәк
Әлмәтлеләргә федераль законны бозган өчен штраф салынды. Төзүчеләр проспектындагы 53б номерлы йортта яшәүче газ хезмәткәрләре белән техник хезмәт күрсәтү турында килешү төзүдән баш тарта. Шишкин урамындагы 22 нче йорттагы фатир хуҗасының мондый килешүе бар, әмма техник хезмәт күрсәтү өчен белгечләрне өенә кертми.
Икесенә карата да материаллар «Альметьевскгаз» ЭҖИ тарафыннан Татарстанның Торак инспекциясенә җибәрелде. Административ хокук бозулар турында РФ кодексының 9.23 ст. буенча һәркайсы административ хокук бозуда гаепле дип табылды, 5 мең сум штраф билгеләнде. Бу сумма техник хезмәт күрсәтү өчен түләүгә караганда күпкә күбрәк.
Акчаны экономияләү өчен газ җиһазларына хезмәт күрсәтүдән качарга кирәкми. Мондый каршылык штрафка гына түгел, ә «зәңгәр ягулык» бирүне туктатуга да китерергә мөмкин.
Фатирга милек хокукы барлыкка килү белән, фатир эчендәге җиһазларга техник хезмәт күрсәтү һәм ремонт ясау турында шартнамә төзү бурычы да барлыкка килә (410 номерлы Газдан файдалану кагыйдәләренең 17 пунктының «в» пунктчасы). Алга таба елга бер тапкыр махсуслаштырылган оешма вәкилләрен җиһазларны карау өчен кертү мөмкинлеген бирергә кирәк (410 номерлы Газдан файдалану кагыйдәләренең 42 пунктының «г» пунктчасы, 43 пунктының «б» пунктчасы).
Әгәр милекче закон таләпләрен санга сукмаса, хезмәт күрсәтүче, йортта яшәүчеләрнең иминлеген тәэмин итү өчен, газ бирүне туктатырга тиеш (410 номерлы Газдан файдалану кагыйдәләренең 80 пункты).
Татарстан Торак инспекциясе матбугат хезмәте