Атна нәтиҗәләре

2025 елның 9 июне, дүшәмбе

Бер атна эчендә торак инспекторлары 22 тикшерү үткәреп, 36 хокук бозу очрагын ачыкладылар. Нигездә, гомумйорт милкен карап тоту буенча.

Мисал өчен, Әлмәт шәһәренең Совет урамындагы 165 а йортында үткәрелгән тикшерү нәтиҗәләре буенча «Альянс» ҖЧҖ идарәче компаниясенә кайбер хокук бозуларны бетерү турында күрсәтмә бирелде. Подвалны киптерергә, йорт яны территориясен чистартырга, тышкы ишекне ремонтларга – 16 июньгә кадәр, ә түбәдән су үтү сәбәбен 31 июльгә кадәр ачыкларга һәм бетерергә.

Идарәче компания директорына, лицензия таләпләрен бозып бизнес белән шөгыльләнгән өчен, 25 мең сум штраф рәвешендә җәза билгеләнде.

Бер атна эчендә 151 мең сумлык 12 штраф билгеләнде. 

Татарстан Торак инспекциясе матбугат хезмәте