Төпләре – парковканы су баса һәм түбәдән ага
Татарстан Торак инспекциясенә Казан шәһәренең Достоевский урамындагы 66/17 йортта яшәүчеләрдән берьюлы ике шикаять килде. Төпләре – парковканы су баса һәм түбәдән ага.
Фактлар расланды, парковканың кайбер участокларында резин итекләрсез йөреп булмый. Су торбалары тутыккан, кайбер участокларда су тама. Аннары, чүп-чар, стеналардан штукатурка коела. Түбәдә уңышлы гына чүп үләннәре үсә.
Бу нәрсәсе белән куркыныч? Үсемлекләр түбәгә зыян китерергә, аның хезмәт итү вакытын кыскартырга һәм башка проблемаларга китерергә мөмкин. Беренчедән, алар дымны тоткарлый, бу түбә материалларының черүенә китерергә мөмкин. Икенчедән, алар үсә барып, үз авырлыклары белән беркеткечләрне бозалар яки аларны зарарлыйлар.
Су үтү проблемасы монда бар инде. Су үтүне туктату өчен чормага полиэтилен җәеп, савыт-сабалар куйганнар. Торакларны карап тотучылар үзләре дә әйтә: булышмый. Капиталь ремонт көтәләр. Әгәр идарәче компания 2043 елга кадәр чаралар күрмәсә, ә нәкъ менә бу елга капиталь ремонт планлаштырылган, түбә күбрәк рәшәткәгә охшап калачак.
Тикшерү йомгаклары буенча тикшерү беркетмәсе төзелде. Ике атнадан административ хокук бозу турындагы эш каралачак. Дәвамы бар.
Исегезгә төшерәбез, күпфатирлы йортлар белән идарә итү – ул бизнес. Һәм әгәр дә идарәче компания чит милекне тоту өчен җаваплылыкны үз өстенә ала икән, үз өстенә эшкуарлык куркынычларын да ала. Милекчеләр идарә итүнең теге яки бу формасы файдасына карар кабул итәләр. Компанияләр идарәне үз кулларына ала, димәк, тулы җаваплылык, дигән сүз.
Татарстан Торак инспекциясе матбугат хезмәте