Идарәче компаниягә «рәхмәт»: читтән торып кем тавыш бирә алмый
9,5 мең йортта яшәүчеләр «Госуслуги. Дом» кушымтасыннан файдалана алмыйлар, димәк, милекчеләрнең гомуми җыелышында читтән торып тавыш бирүдә катнаша алмыйлар. Тулаем алганда, кушымтаның мөмкинлекләре киң, ләкин җыелышта читтән торып катнашу татарстанлылар арасында бик кирәк. Ягъни республиканың һәр икенче күпфатирлы йорты буенча ТКХ ДМС системасына мәгълүмат кертелмәгән. Иң еш бозу – фатирларның кадастр номерлары кертелмәгән.
Барыннан да бигрәк кемгә «бәхет» елмайган? Йортлары белән «Мәскәү районы ТКХ ИК» ҖЧҖ идарә итүчеләргә: системада Казан шәһәренең 412 йорты турында тулы мәгълүмат юк.
Икенче урында Лениногорскның «Центр ЖКХ и С» АҖ – 337 йорт. «Лидерлар» өчлеген «Жилкомплекс» ИК» ҖЧҖ йомгаклый – 300 йорт тәмамлый.
Исемлекләрдә шулай ук: Казанның «Заречье» (246) һәм Вахитов районының (222) идарәче компанияләре, Чаллының «ПКФ «Жилкомсервис» ҖЧҖ (194) һәм «Электротехников» (97), Әлмәтнең «Алсу» (136), Бөгелмәнең «Антей» ИК (74) һ.б.
«Госуслуги. Дом» кушымтасын күчереп алырга, үз йортың буенча мәгълүматны тикшерергә киңәш итәбез. Тапмадыгызмы? Сезнең окукларыгыз бозылган! Сез түбәндәгеләрне булдыра алмыйсыз:
- идарәче оешмадан кире элемтә алырга,
- күршеләр белән бергә коллектив заявка җибәрергә,
- ИК чыгымнар буенча хисапларын контрольдә тотарга,
- авария хәлләре турында мәгълүмат алырга,
- исәпкә алу приборларының күрсәткечләрен бирергә,
- счетларны түләргә,
- чатта күршеләр белән аралашырга,
- тавыш бирү турында хәбәр һәм тавыш бирә алмаячаксыз.
Татарстан Торак инспекциясе матбугат хезмәте