Регоператорның 23 меңнән артык килешүе кайда?
«Әгәр сезгә чек бирмәгәннәр икән, сатып алу безнең хисапка», - таныш белдерүме? Бәлки, бизнес милекчеләре сатучыларны урлашуына каршы шулай көрәшергә тырышалардыр. Чекны сукмадылар, үлчәмәделәр, ә аннары җитез генә кул хәрәкәте белән табышның процентын алып киттеләр, әмма шул ук вакытта хисаплар буенча барысы да чиста.
Ә хезмәт күрсәтүгә килешү булып, ул федераль системада теркәлмәгән булса, нишләргә? Ай саен түләүгә счет куялар, татарстанлылар намус белән акча күчерә. Тик кая һәм кемгә?
Татарстанның Торак инспекциясе чираттагы мәртәбә торак-коммуналь хуҗалык дәүләт мәгълүмат системасын анализлады. Бу юлы шәхси секторда һәм таунхаусларда яшәүчеләргә хезмәт күрсәтү турындагы килешүләрне урнаштыру өлешендә. «ПЖКХ» ИК регоператоры 23813 шәхси йорт һәм 33 күпфатирлы йортлар буенча гамәлдәге шартнамәләр турында мәгълүмат урнаштырмаган.
Ягъни хезмәтләр күрсәтү буенча бернинди мәгълүмат та юк, шул исәптән хезмәтләр өчен түләү буенча да. Торак инспекциясе хокук бозуны ачыклады һәм бу хакта контрольлек итүче ведомстволарга хәбәр итте.
Сезнең регоператорга дәгъваларыгыз бармы? Чүп чыгару хезмәте күрсәтеләме? Сезнең килешүегез ТКХ ДМС системасында бармы? Безгә языгыз.
Татарстан Торак инспекциясе матбугат хезмәте