Су өчен кисәтү
Берьюлы өч идарәче компаниягә һәм кайнар су белән тәэмин итүчегә кисәтү белдерелде: тиешле сыйфатта хезмәт күрсәтелмәгән.
Алабуга шәһәрендә Г.Тукай урамындагы 40 нчы йортта, Х.Нечаев урамындагы 11 нче йортта, Менделеевск шәһәренең Трудовая урамы буенча 2 нче йортта кайнар су нормативка туры килми.
Мәсәлән, Тукай урамындагы йортта су температурасы 41 градустан бераз югарырак. өйгә кергән өлешендә температура – 61 градус. Ягъни өйгә су җитәрлек дәрәҗәдә кайнар булып керми, торбалар буенча хәрәкәт иткәндә суына.
Исегезгә төшерәбез, краннан су температурасы нормативы – кимендә 60 градус, иң күбе 75 градус булырга тиеш. Түбәнрәк булса, куркыныч бактерияләр барлыкка килергә мөмкин, ә югарырак булса – пешү куркынычы.
Су нормативтан түбәнрәк яки югарырак булган һәркем түләүне яңадан исәпләтергә хокуклы, чөнки хезмәт тиешле сыйфатта күрсәтелми. Әгәр су нибары 40 градус кына булса, түләү салкын суга исәпләнгән кебек исәпләнергә тиеш.
«Жилкомфортсервис», «Домоуправ-3», «Нептун-3» идарәче компанияләренә һәм Алабуга җылылык челтәрләре предприятиесенә мәҗбүри таләпләрне бозмау турында кисәтүләр белдерелде.
Татарстан Торак инспекциясе матбугат хезмәте