Бер атна эчендә торак инспекторлары 28 тикшерү үткәреп, 54 хокук бозу очрагын ачыкладылар

2025 елның 3 июне, сишәмбе

Бер атна эчендә торак инспекторлары 28 тикшерү үткәреп, 54 хокук бозу очрагын ачыкладылар. Нигездә, гомумйорт милкен карап тоту буенча.

Мәсәлән, Бөгелмә шәһәренең Ленин урамындагы 51 нче йортта канализация сулары белән подвалны су баскан. Бу проблема тиз арада килеп чыкмый, торбалар, әгәр аларны тиешенчә карап тотмасаң, акрынлап туза. «Таң» ИК ҖЧҖ директоры административ хокук бозуда гаепле дип табылды, аңа 50 мең сум күләмендә штраф билгеләнде.

Бер атна эчендә 453 мең сумлык 33 штраф билгеләнде. Сумманың өчтән бере – Бөгелмә идарәче компанияләренә кагылышлы штрафлар.

Татарстан Торак инспекциясе матбугат хезмәте