Чаралар күрмәгәннәр, подвалны су баскан
Автоградның «Жилкомсервис» идарәче компаниясе Сарман тракты буенча 14/15 номерлы йорт белән идарә иткәндә лицензия таләпләрен бозган. Милекче авария-диспетчерлык хезмәтенең заявкаларны үтәмәвенә зарланды.
Тикшерү барышында торак инспекторлары бозулар «бәйләмен» теркәде: кайнар су белән тәэмин итү системасы төзек түгел, барлык инженерлык системалары даими тикшерелми, милекчеләрнең заявкалары игътибарсыз кала һ.б.
Барлык фактлар да биредә бизнесның гадел алып барылмавын раслый: яшәүчеләр үз ягыннан идарә шартнамәсе шартларын үтиләр, хезмәтләр өчен түлиләр, ә торакны карап тотучылар үз йөкләмәләрен санга сукмыйлар. Генераль директорга 50 мең сум күләмендә административ штраф салынды.
Исегезгә төшерәбез, авария-диспетчерлык хезмәте көн саен түбәндәгеләрне үтәргә бурычлы:
- йорт эчендәге инженер системаларын карарга,
- коммуналь ресурсларның сыйфатын тикшереп торырга,
- йортта яшәүчеләрнең заявкаларын тәүлек буе теркәргә һәм аларның үтәлешен тикшереп торырга.
Моннан тыш, телефоннан шалтыраткан милекчегә 5 минут эчендә җавап бирергә һәм 10 минут эчендә заявканы карарга. Заявка теркәлгәннән соң иң күбе 30 минут эчендә авария хәлендәге зыянны бетерергә, заявка теркәлгәннән соң ике сәгать эчендә су агызу системасының чүп-чарларын бетерергә, ә чүп үткәргечләрнең чүп-чарларын заявка теркәлгәннән соң 2 сәгать эчендә бетерергә.
РФ Дәүләт төзелеш күзәтчелегенең "Торак фондын техник эксплуатацияләү кагыйдәләрен һәм нормаларын раслау турында" 170 нче карары сезнең өстәл китабыгыз булсын. Монда хокук бозуларны бетерүнең соңгы сроклары җентекләп күрсәтелгән.
Татарстан Торак инспекциясе матбугат хезмәте