Миллионнарны яңадан бүләргә
Бүген Татарстанның Торак инспекциясендә Питрәч һәм Зеленодольск районнарында капиталь ремонт барышы турында фикер алыштылар. Районнар һәм ресурслар белән тәэмин итүче оешмалар вәкилләре белән киңәшмәне инспекция башлыгы Александр Тыгин үткәрде.
Беренче район буенча инспекциянең «Газпром трансгаз Казань» ҖЧҖ карата сораулары бар: ни өчен фасад газүткәргечләрен чыгару мәсьәләсе әлегә кадәр хәл ителмәгән?
Сүз Кощаково авылында Комсомол урамындагы 20,22 номерлы йортлар турында бара. Монда фасадны җылыту планлаштырыла, димәк, газүткәргечне йортның яңа чикләреннән чыгарырга кирәк. Әмма ремонт проектлары әлегә кадәр юк.
Ни өчен газүткәргечне күздә тотылган яңа чикләрдән чыгарырга кирәк? Җылытканда йорт «калынаячак», һәм йортны уратып алган газүткәргеч өйгә «берегәчәк». Шуннан соң торбаүткәргечне карау һәм ремонтлау авырга кала. Дивардан газүткәргечкә кадәр ара торбаның диаметрының яртысыннан да ким булмаска һәм торбаларга хезмәт күрсәтү уңайлы булырлык итеп салынган булырга тиеш. Шуңа күрә газүткәргеч күләмен арттырырга кирәк.
Моннан тыш, мәсьәлә җылытуга бюджеттан финанслау чыгымнарының максатка ярашлылыгында да. Фатирлардагы салкыннарга шикаятьләр булганмы? Бүлмәләрдә һава температурасын үлчәү һәм тепловизор белән тикшерү актлары кайда? Юк. Әгәр йорт җылылыкны саклый икән, миллионнарча сумга җылыту урынына өйдә башка эшләрне башкарырга мөмкин.
Зеленодольск районында Осиново авылында Яшьләр урамындагы 9 нчы йорт буенча мәсьәлә хәл ителә. Шулай ук җылытуның һәм тулаем ремонтның максатка ярашлылыгы мәсьәләсе. Торак инспекциясенең позициясе – аварияләрне бәяләү, ә 2025 елда бүлеп бирелгән акчаларны районның башка проблемалы йортына кертү.
Татарстан Торак инспекциясе матбугат хезмәте