Тәүлек дәвамында авария сәбәпле газ сүндерүләр турында
Газ хезмәтенең авария-диспетчерлык хезмәте бүген 5 тапкыр урынга чыккан: 3 се –Казанда, 2се – Әлмәттә.
Башкалада хезмәт күрсәтүче оешма «Газжилсервис» ҖЧҖ таләбе буенча Белинский урамындагы 33 һәм 37 нче йортларны газ белән тәэмин итүдән өзелгән. Сәбәбе – төтен юлының тыгыз булмавы. Ягъни герметиклыгы юк, бу тарту көченең начараюына китерергә мөмкин. Мич хезмәте актын тәкъдим иткәннән соң газ плитәләрен тоташтырганнар, су җылыту колонкалары әлегә сүндерелгән.
Сәет Галиев урамындагы 3 нче йортта стоякта газүткәргечнең герметик булмавы ачыкланган. Барлык фатирларны тикшергәннән соң, газ белән тәэмин итүне торгызганнар.
Әлмәт шәһәренең Ленин урамындагы 30 нчы йортта да шундый ук проблема. Техник хезмәт күрсәтү монда нибары 3 ай элек кенә үткәрелгән.
Әлмәттә Р.Фәхретдинов урамындагы 16 нчы йортка газ исе булганга чакырганнар. Монда да техник хезмәт күрсәтү күптән түгел генә үткәрелгән булган.
Татарстанның Торак инспекциясе әлеге фактларны тикшерә.
Татарстан Торак инспекциясе матбугат хезмәте