235 мең сум күләмендә штраф
Әлмәт шәһәренең Р.Фәхретдин урамындагы 65 нче йортта чыбыклар салынып төшүе һәм хәтта зарарлануы, стенада һәм түшәмдә су үтү эзләре, контейнер мәйданчыгында чүп-чар, подвалдагы смесительдә тутык – бу әле хокук бозуларның тулы исемлеге түгел. Йортны милекче шикаяте нигезендә тикшерделәр.
«ЖЭУ-3» ҖЧҖ директорының гамәлләрендә РФ КоАП 14.1.3 ст. 2 өлешендә каралган административ хокук бозу билгеләре күренде – күпфатирлы йорт белән идарә итү буенча эшкуарлык эшчәнлеген лицензия таләпләрен бозып башкару. Директорга 25 мең сум күләмендә штраф билгеләнде.
Җитешсезлекләрнең бетерелүе Инспекция контролендә кала.
Бер атна эчендә Әлмәт районара инспекциясе күп санлы хокук бозулар өчен идарәче оешмаларга 235 мең сум күләмендә штраф салды.
Татарстан Торак инспекциясе матбугат хезмәте