«Карап тоткан» өчен ИК директорына берьюлы 2 штраф
Бер көнгә штрафлар белән ике тикшерү – мондый нәтиҗә белән идарәче компанияләрне инде гаҗәпләндереп тә булмый. Мәсәлән, Әлмәт районында. Быел Татарстанның Торак инспекциясенә район халкыннан 700 дән артык шикаять керде. Кичә аларның икесе Түбән Мактама ш.т.п. килде.
Мөрәҗәгатьләр буенча тикшерүләр үткәрелде. Садовая урамындагы 21 нче йортның стеналарында буяулар һәм штукатуркалар коелган, подъездның болдыры җимерелгән, елан йомгагы кебек щитоклардагы электр үткәргечләре ботарланып беткән.
Некрасов урамындагы 18 нче йортта стеналардагы буяу һәм штукатурка җимерелүдән тыш, идәндә «упкыннар», фасадта һәм фатирларда ярыклар, отмосткалар җимерек һ.б.
«ЖЭУ-11» ҖЧҖ директоры административ хокук бозуда гаепле дип табылды, аңа 25әр мең сум штраф салынды.
Җитешсезлекләрнең бетерелүе Инспекция контролендә кала.
Татарстан Торак инспекциясе матбугат хезмәте