Александр Тыгинның Әлмәткә эш сәфәре
Татарстанның баш дәүләт торак инспекторы эш көнен Әлмәт шәһәрендә уздырды. Беренче чиратта Александр Тыгин һәм башкарма комитет җитәкчесе Гүзәл Хәбетдинова капиталь ремонт үткәрелә торган йортларны карадылар.
Районның 56 күпфатирлы йортында масштаблы реконструкция бара: инженерлык коммуникацияләре алмаштырыла, түбә, фасад ремонтлана. Комиссия М.Җәлил, К.Цеткин, Геофизик, Төзүчеләр пр. урамнарындагы йортларны тикшерде. Йортның җылыту чорына әзерлеге белән бәйле барлык эшләр 15 августка кадәр тәмамланырга тиеш.
Башкарма комитетта салкыннарга әзерлек темасын башкарма комитетта дәвам иттерделәр. Монда идарәче компанияләр җитәкчеләре, торак милекчеләре ширкәтләре рәисләре һәм коммуналь хезмәтләр белән тәэмин итүчеләр белән җылылык җибәрүгә әзерлекнең актуаль мәсьәләләре турында фикер алыштылар. Барысының да планы, кулларында гына түгел, ә сайтта урнаштырылган булырга тиеш. Идарәче оешмаларның үз рәсми сайты булмаса – башкарма комитет сайтында. Бүгенгә бу шартны «Комфорт» компаниясе генә үтәгән.
Күпфатирлы йортлар белән идарә итү проблемалары турында әлмәтлеләр үзләре сөйләде. Кич белән тәмамланган кабул итүгә 20 кеше килде. Һәркемнең кулында дәгъвалар исемлеге: фасад коела, түбә ага, подвалда тутыккан торбалар, җыештыручылар юк, торак-коммуналь хезмәтләр өчен зур суммалар һ.б. – һәрбер мөрәҗәгать буенча инспекторлар тикшерү белән чыгачак.
Әлмәт районында уртак күчмә тикшерүләр һәм кабул итүләр дәвам итәчәк. Алхәбәрләр Татарстан Торак инспекциясе сайтында һәм социаль челтәрләрдә урнаштырылачак, язылырга киңәш итәбез.
Татарстан Торак инспекциясе матбугат хезмәте