Торак-коммуналь хуҗалык системасында идарәче оешма турында мәгълүматны ничек табарга
Татарстан Республикасы Дәүләт торак инспекциясенә күпфатирлы йорт белән идарә итүне гамәлгә ашыручы идарәче компания турында мәгълүматны кайда табарга була дигән сораулар белән гражданнарның мөрәҗәгатьләре еш килә.
Күпфатирлы йорт белән идарә итүне гамәлгә ашыручы идарәче компания турында мәгълүмат торак-коммуналь хуҗалыкның https://dom.gosuslugi.ru дәүләт мәгълүмат системасында (алга таба – ТКХ ДМС) урнаштырыла, аны һәркем кереп карый ала, моның өчен шәхси кабинетта авторизация мәҗбүри түгел.
Мәгълүматны карау өчен:
1. ТКХ ДМС сайтының төп битендә «Реестрлар» бүлеген сайларга;
2. Алга таба «РФ субъектлары лицензияләре реестры»н сайларга;
3. «РФ субъекты лицензияләре реестры»ның төп битендә «РФ субъектын үзгәртергә» һәм субъектлар исемлегеннән «16-Татарстан Республикасы»н сайларга;
4. «Күпфатирлы йорт реквизитлары буенча» кирәкле эзләү блогы кырларын тутырырга һәм «Табарга» төймәсенә басарга.
Ачык экранда идарәче компания турында мәгълүмат күрсәтеләчәк.
Шулай ук «идарәдәге күпфатирлы йортлар» өстәлмәсендә күпфатирлы йорт белән идарә итү чорының башлану вакыты турында мәгълүмат табарга мөмкин.