Кисәтүнең үтәлеше турында хәбәр бирмәү нәтиҗәләре турында.
«Россия Федерациясендә дәүләт контроле (күзәтчелеге) һәм муниципаль контроль турында» 31.07.2020 ел, № 248-ФЗ федераль законның (алга таба – 248-ФЗ) 49 статьясы нигезләмәләрен гамәлгә ашыру кысаларында, законда билгеләнгән очракларда контрольлек итүче затларга законнарның мәҗбүри таләпләрен бозуга юл куймау турында кисәтүләр белдерелә.
РФ Хөкүмәтенең 2017 елның 10 февралендәге 166 номерлы карары белән Мәҗбүри таләпләрне бозуның ярамаганлыгы турында кисәтүләр төзү һәм юллау, юридик зат, шәхси эшкуар тарафыннан мондый кисәтүгә ризасызлык белдерү һәм аны карау, мондый кисәтүне үтәү турында белдерү җибәрү кагыйдәләре (алга таба – 166 номерлы кагыйдәләр) расланган.
166 номерлы кагыйдәләрнең 11 пункты нигезендә, ризасызлыклар булмаган очракта, юридик зат, шәхси эшкуар күрсәтмәдә билгеләнгән срокта кисәтүне үтәү турындагы белдерүне дәүләт контроле (күзәтчелеге) органына, муниципаль контроль органына җибәрә.
166 номерлы кагыйдәләрнең 4 пунктындагы з) абзацы нигезендә юридик зат, шәхси эшкуар тарафыннан кисәтүне үтәү турында җибәрү срогы кисәтү җибәрелгәннән соң кимендә 60 көн тәшкил итә.
Дәүләт контроле (күзәтчелеге) органына тиешле мәгълүматны тапшырмаган яки вакытында тапшырмаган өчен Административ хокук бозулар турында РФ кодексының 19.7 статьясында административ җаваплылык каралган.
Шунысын да билгеләп үтәргә кирәк, контрольгә алынган затлар кисәтүне үтәү турында хәбәр җибәрү өчен билгеләнгән срокны һәрвакыт үтәмиләр.
Әйтик, 2022 елның 1 декабренә Чистай РТИ тарафыннан Нурлат шәһәре идарәче оешмаларына карата Административ хокук бозулар турында РФ кодексының 19.7 ст. буенча 3 беркетмә һәм Алексеевск шәһәр тибындагы бистәсе идарәче оешмасына карата Административ хокук бозулар турында РФ кодексының 19.7 ст. буенча 1 беркетмә төзелде. Административ хокук бозулар турындагы эшләр җәмәгать судьяларына карап тикшерүгә җибәрелде. Җәмәгать судьялары тарафыннан Нурлат шәһәре идарәче компанияләре 6 400 сумлык штраф рәвешендә административ җаваплылыкка тартылдылар. «Алексеевск районы ИК» ҖЧҖ идарәче оешмасына карата административ хокук бозу турындагы эш Алексеевск районы җәмәгать судында карала.
Үзләренә карата административ хокук бозу турында беркетмәләр төзелгән идарәче оешмалар тарафыннан кисәтүләрнең үтәлеше турында хәбәрләр Чистай районара торак инспекциясенә алынды.