Түбән Кама шәһәре прокуратурасында киңәшмә

Түбән Кама шәһәр прокуратурасында «Дәүләт контролен (күзәтчелеген) оештыру һәм гамәлгә ашыру үзенчәлекләре турында» темасына күзәтчелек органнары катнашында эшкуарларның хокукларын яклау буенча ведомствоара эшче төркем утырышы булып узды. Киңәшмәнең төп темасы – Россия Федерациясе Хөкүмәтенең 2022 елның 10 мартыннан гамәлгә кергән «Дәүләт контролен (күзәтчелеген), муниципаль контрольне оештыру һәм гамәлгә ашыру үзенчәлекләре турында»  336 нчы карары турында фикер алышу булды.

            Әлеге карар нигезендә 2022 елда:

- планлы контроль-күзәтчелек чаралары үткәрелми;

- планнан тыш контроль-күзәтчелек чаралары бары тик прокуратура килештергән очракта гына үткәрелә:

            гражданнарның гомеренә һәм сәламәтлегенә авыр зыян китерүгә турыдан-туры куркыныч янаганда, гражданнарның гомеренә һәм сәламәтлегенә авыр зыян китерү фактлары буенча;

             гражданнарның гомеренә һәм сәламәтлегенә, ил оборонасына һәм дәүләт иминлегенә зыян китерүнең, табигый һәм (яки) техноген характердагы гадәттән тыш хәлләр барлыкка килүнең турыдан-туры куркынычына китерә торган җитешсезлекләрне бетерүгә юнәлдерелгән чараларны кабул итү турындагы күрсәтмәне үтәү вакыты бетүгә бәйле рәвештә планнан тыш күчмә тикшерү үткәрү зарурилыгы барлыкка килгән очракта;

             күпфатирлы йортлар белән идарә итү буенча эшкуарлык эшчәнлеген гамәлгә ашыруга региональ дәүләт лицензия контроле һәм региональ дәүләт торак күзәтчелеге кысаларында гражданнарның бозылган хокукларын яклау (торгызу) өчен шикаять (шикаятьләр) алынган очракта.      

- элек бирелгән күрсәтмәләрнең үтәлү вакыты аның үтәлү вакыты чыккан көннән башлап 90 календарь көнгә озайтыла, шулай ук контрольдә тотучы зат күрсәтмәнең үтәлү вакытын карарда билгеләнгән чорларда өстәмә озайту турында үтенеч бирергә хокуклы;

- административ хокук бозулар турындагы эшләр контроль (күзәтчелек) органнарының вазыйфаи затлары тарафыннан контроль-күзәтчелек чаралары нәтиҗәләре буенча гына кузгатылырга мөмкин.

-  контрольдә тотылучы затларга карата юридик зат белән үзара бәйләнешкә кермичә контроль-күзәтчелек чараларын, профилактик чараларны,  мәҗбүри таләпләр бозылуны кисәтү чараларын «Россия Федерациясендә дәүләт контроле (күзәтчелеге) һәм муниципаль контроль турында» 31.07.2020 ел, №248-ФЗ федераль закон нигезендә үткәрү рөхсәт ителә.