Торак йортны карап тотуга тотылган электр энергиясе өчен түләү өлешендә ачыкланган бозулар турында.
Бөгелмә районара торак инспекциясе тарафыннан Бөгелмә шәһәре, Алиш ур., 14 нче торак йортта яшәүченең Бөгелмә шәһәренең Алиш ур., 14 нче күпфатирлы йортта гомуми милекне кулланганда һәм карап тотканда кулланылган электр энергиясе өчен түләүне исәпләгәндә техник чорма мәйданын хокуксыз куллануга карата мөрәҗәгате карап тикшерелде. Тикшерү вакытында «ЖЭУ-6» ИК ҖЧҖ (алга таба – Идарәче компания) тарафыннан Бөгелмә шәһәре, Алиш ур. буенча 14 нче күпфатирлы йортта гомуми милекне кулланганда һәм карап тотканда кулланылган электр энергиясе өчен түләү 2245,4 кв.метр күләмендә техник чорма мәйданын исәпкә алып башкарылган, бу хакта әлеге йортның техник паспортында мәгълүматлар юк. Әлеге мәйданны куллану Бөгелмә шәһәренең Алиш ур., 14 йорт адресы буенча урнашкан күпфатирлы йортта гомуми милекне кулланганда һәм карап тотканда кулланылган электр энергиясе өчен түләү артуга китергән. Күпфатирлы йортлар белән идарә итү буенча эшкуарлык эшчәнлеген лицензия таләпләрен бозып башкарган өчен Идарәче компания Административ хокук бозулар турында РФ кодексының 14.1.3 статьясындагы 2 өлеше буенча 250 мең сум күләмендә административ штраф салынып, административ җаваплылыкка тартылды.
Бөгелмә районара торак инспекциясе чыгарган карар белән килешмичә, Идарәче компания 2021 елның 17 февралендә Бөгелмә шәһәр судына апелляция шикаяте биргән. 2022 елның 26 гыйнварында суд карар чыгарды: Бөгелмә районара торак инспекциясе карарын – үзгәрешсез, Идарәче компания шикаятен канәгатьләндермичә калдырырга. Бөгелмә шәһәр суды судьясының 2022 елның 7 февралендәге карарына Идарәче компания тарафыннан Татарстан Республикасы Югары судының Административ эшләре буенча суд коллегиясенә шикаять җибәрелгән. 2022 елның 30 мартында Административ хокук бозулар турында РФ кодексының 14.1.3 статьясындагы 2 өлешендә каралган административ хокук бозу турындагы эш буенча утырыш барышында Идарәче компаниянең шикаятен канәгатьләндермичә калдырырга дигән карар чыгарылды.
Ачыкланган бозуларны бетерү өчен идарәче компаниягә күрсәтмә бирелде. Күрсәтмәнең үтәлеше Бөгелмә районара торак инспекциясе контролендә кала.