Торак йортны тиешенчә карап тотмаган өчен җаваплылыкка тарту турында

Әлмәт районара торак инспекциясе тарафыннан Әлмәт шәһәренең Луговая урамы, 4 нче торак йортта яшәүчеләрнең торак йортны һәм йорт яны территориясен тиешенчә карап тотмау турындагы мөрәҗәгатьләре карап тикшерелде.

«ЖЭУ-11» ҖЧҖ идарәсендәге Әлмәт шәһәренең Луговая урамы буенча 4 нче күпфатирлы йортны тикшерү нәтиҗәсендә гомумйорт мөлкәтен карап тоту һәм ремонтлау кагыйдәләрен бозу очраклары ачыкланды, аерым алганда: подвал бүлмәсе канәгатьләндерерлек түгел; торак йортның түбәсендә һәм йорт яны территориясендә кар, боз һәм боз сөңгеләре бар; торак йорт түбәсендә төтенлек юлларының очлыкларында өлешчә плитәләр юк һ.б.

Күпфатирлы йорт белән идарә итү буенча эшкуарлык эшчәнлеген гамәлгә ашыру кагыйдәләрен бозган өчен, «ЖЭУ-11» ҖЧҖ идарәче компаниясе директоры Административ хокук бозулар турында РФ кодексының 14.1.3 ст. 2 өлеше буенча, 25 000 сум күләмендә штраф салынып, административ җаваплылыкка тартылды.

Ачыкланган җитешсезлекләрне бетерү өчен идарәче компаниягә күрсәтмәләр бирелде. Күрсәтелгән эшләрнең үтәлеше Әлмәт районара торак инспекциясе контролендә кала.