Идел буе округы Арбитраж суды лицензия таләпләрен бозган өчен административ җаваплылыкка тартуны нигезле дип таныды

Чаллы районара торак инспекциясе адресына Х.Туфан проспекты буенча 10 нчы күпфатирлы йортның торак урыны милекчесеннән түбәдән су агуга шикаять килде. Мөрәҗәгать итүче озак вакыт дәвамында «Энтузиаст» ҖЧҖ идарәче компаниясенә мөрәҗәгать иткән, әмма түбәне өлешчә ремонтлау нәтиҗә бирмәгән.

     Чаллы районара торак инспекциясе тарафыннан планнан тыш уздырылган тикшерү кысаларында түбә катламының һәм су бүлү системасының төзек булмавы ачыкланды, бу хәл аның бозылуына, төбеннән кубуына, җөйләре таралуга һәм түшәм катламындагы катлар арасында аралыклар барлыкка китергән. «Энтузиаст» ҖЧҖ идарәче компаниясе белән түшәм нигезенә таба катлар арасы үзара гидроизоляцияләп ябыштырылмаган.

    Күпфатирлы йортның гомуми милкен карап тоту буенча лицензия таләпләрен бозган өчен «Энтузиаст» ҖЧҖ идарәче компаниясе Административ хокук бозулар турында РФ кодексының 14.1.3 ст. 2 өлеше буенча административ җаваплылыкка тартылды һәм 125 000 сум күләмендә административ штраф салынды.

 «Энтузиаст» ҖЧҖ идарәче компаниясенең шикаяте ТР Арбитраж суды, Самара шәһәренең Унберенче апелляция арбитраж суды тарафыннан карап тикшерелде, алга таба идарәче компаниянең шикаятен караган суд органы Идел буе округы Арбитраж суды булды.

Шикаятьне карап, Идел буе округы Арбитраж суды 2021 елның 17 декабрендә гаризаны канәгатьләндерүдән баш тартты.

Идел буе округы арбитраж суды карары законлы көченә кабул ителгән көннән керде.

Билгеләнгән административ штраф «Энтузиаст» ҖЧҖ идарәче компаниясе тарафыннан тулысынча түләнде.