Күпфатирлы йортлар белән идарә итүдә эшкуарлык эшчәнлеген гамәлгә ашыру кагыйдәләрен бозган өчен идарәче компания директорын җаваплылыкка тарту турында

Нурлат шәһәрендә «Ямьле йорт» ИК ҖЧҖ идарәче оешмасының эше канәгатьләндерерлек булмавы турында алынган гражданин мөрәҗәгате нигезендә уздырылган планнан тыш тикшерү нигезендә Чистай районара торак инспекциясе инспекторы РФ Хөкүмәтенең 2013 елның 15 маендагы 416 номерлы карары белән расланган Күпфатирлы йортлар белән идарә итү буенча эшкуарлык эшчәнлеген гамәлгә ашыру кагыйдәләрен бозу очракларын ачыклады, атап әйткәндә, күпфатирлы йортта торак урын милекчесенең мөрәҗәгате тиешенчә каралмаган, гаризага җавап бирү срогы үтәлмәгән.

Тикшерү нәтиҗәләре буенча «Ямьле йорт» ИК ҖЧҖ директорына карата Администартив хокук бозулар турында РФ кодексының 7.23.3 ст. 1 өлеше буенча административ хокук бозу турында беркетмә төзелде.

Чистай районара торак инспекциясе җитәкчесе карары белән «Ямьле йорт» ИК ҖЧҖ директоры гаепле дип танылды һәм 7.23.3 ст. 1 өлеше буенча, 25 000 сум күләмендә штраф рәвешендә, административ җаваплылыкка тартылды.

Тикшерү барышында ачыкланган хокук бозуларны бетерү өчен «Ямьле йорт» ИК ҖЧҖ адресына күрсәтмә бирелде, аның үтәлеше инспекция контролендә.