Апрельдән башлап июньгә кадәр уза торган санитар-экологик икеайлык кысаларында, гадәттәгечә, торак пунктлар территорияләрен чистарту һәм төзекләндерү буенча массакүләм өмәләр үткәрелә.
2021 елның 24 апрелендә иҗтимагый акция – Бөтенроссия өмәсе булып узды.
Чистай ЗТИ коллективы бу акциядә актив катнашты.
Чистай ЗТИ урнашкан офис бинасы янындагы территорияләр, шулай ук инспекция кабинетларында генераль җыештыру уздырылды.
Мондый чараларда катнашу әйләнә-тирә мохиткә файда китерә, торак пунктларыбызның тышкы торышын яхшырта, уртак хезмәттән бик күп уңай хис-тойгылар бирә, коллективтагы мөнәсәбәтләрне ныгыта.