2018 елның июлендә Чистай ЗТИ инспекторлык эшчәнлеге турында мәгълүмат
ТР Прокуратурасы белән килештерелгән тикшерүләр планы нигезендә 2018 елның июлендә Чистай ЗТИ тарафыннан Нурлат ш. "Городок" ҖЧҖ, Чистай ш. "Жилищник-5" ИК ҖЧҖ һәм "Восток" ТМШ карата планлы тикшерүләр башланды (хәзерге вакытта әле тәмамланмаган).
Аталган идарәче оешмаларга карата уздырыла башлаган планлы тикшерүләр барышында гомуми мәйданы 121,417 мең кв. метр булган 35 күпфатирлы торак йорт комплекслы тикшерелде, 47 җитешсезлек очрагы ачыкланды, аларны бетерү буенча 12 күрсәтмә бирелде.
2018 елның июлендә Чистай ЗТИ тарафыннан юридик затларга карата планнан тыш урынга чыгып 47 тикшерү үткәрелде, аларның 1се – элек бирелгән күрсәтмәләрнең үтәлешен тикшерү буенча; 5 тикшерү ЧЗТИ гражданнардан кергән мөрәҗәгатьләргә бәйле. Шулай ук 2018 елның июлендә Чистай ЗТИ тарафыннан капиталь ремонт программасына кертелгән торак йортлар тикшерелде, Гражданнарны аварияле торак фондыннан күчерү программасы буенча төзелүче торак йортлар тикшерелде, шулай ук идарәче оешмаларның торак фондын алда торучы җылыту сезонына әзерләүдә чаралар үтәлешенә мониторинг үткәрелде. Үткәрелгән тикшерүләр кысасында барлыгы гомуми мәйданы 299,91 мең кв. метр булган 115 торак йорт тикшерелде; торак фондын техник эксплуатацияләү кагыйдәләре һәм нормалары, шулай ук энергияне саклау турындагы законнарның таләпләре бозылуның 1267 очрагы ачыкланды. Ачыкланган җитешсезлекләрне бетерү өчен 45 күрсәтмә бирелде.
2018 елның июлендә Чистай ЗТИ гражданнардан 28 мөрәҗәгать (26 язмача һәм 2 телдән) килде. Килгән мөрәҗәгатьләрнең 10сы урынга чыгып тикшерелде, аларның 7се инспекция контрольлегенә алынды (күрсәтмәләр бирелде).
Энергияне саклау турындагы законнарның таләпләрен бозган өчен идарәче оешмаларның вазыйфаи затларына карата РФ КоАП 9.16 ст. 4 өлеше буенча 5 беркетмә төзелде. Вазыйфаи затларны гомуми 15000 сумлык штрафлар рәвешендә җаваплылыкка тарту турында 3 карар чыгарылды. Җәмәгать судында РФ КоАП 19.7 ст. нигезендә 3000 сумлык административ штраф турында 1 карар чыгарылды.
2018 елның июлендә элек административ җаваплылыкка тартылган затлар тарафыннан барлыгы 16 мең сумлык штраф түләнде.
Шулай ук 2018 елның июлендә, "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында" 26.12.2008 N 294-ФЗ Федераль закон нигезләмәләрен тормышка ашыру кысаларында, зарури таләпләр бозылу очрагы буенча 3 беренчел тикшерү; юридик затлар белән бәйләнешкә кермичә 13 контрольлек чарасы уздырылды, законнардагы зарури таләпләрне бозуның ярамаганлыгы турында 11 кисәтү бирелде.